Les mots surlignés font l'objet d'une note
1Monsieur, je n’ay point receu le paquet que m’avés escript à
2adressé à ma fille votre seur en Avignon, ou bien celle par l’homme
3de monsieur de Cental. Monsieur le conseiller Aymé qu’est venu
4en ce païs pour les affaires de mes dames d’Oppède, m’a
5faict cest honneur et plaisir de passer par ici pour vous
6porter de noz novelles, lesquelles, Dieu grâces, sont bonnes.
7Monsieur de Cabanes garde tousiours la chambre si est-ce
8qu’on ha grand spérence qu’il en sera tost quitte, s’il plaict
9à Dieu. Je vous ay faict une despêche et adresse à
10notre fille, madamoyselle d’Horches, pour la mettre à la
11poste au Montillimar touchant l’affaire de Cabanes.
12Madame la présidente de Fuveau en demande cinq mil
13escus, si est-ce que monsieur le président n’estoit point à
14luy quand elle fist la demande. Il s’estoyt allé pormené
15jusques à Greaus pour changer d’air. Je pense vous avoyr
16envoyé la lettre que mon nepveu, monsieur le conseiller de
17La Coste, m’avoyt escript et despuis ladite présidente m’a
18escript qu’elle en veult aultant. Je vous eusse mandé
19ladite lettre, mais j’ay mandé à mondit nepveu monsieur le
20conseiller, auquel j’ay pryé et donné charge de négotyer
21cest affaire et je m’assure quel le fera fort bien et
22de bon cœur. Vous luy en porrer escrire quand il vous
23viendra à propos. Je pence aussi vous avoyr escript que je
24seray jamais d’advist qu’on y tache audit pris tant s’en
25fault que j’ay grand regret de quatre cens escus quel
26y a trop d’en donner quatre mille et désire beaucoup
27[v°] plus de partager que d’achepter et si Dieu me faisoyt
28grâce que vous vencyez faire l’hiver en ce païs, il se faudroit
29mettre après de partager. Je n’escris rien à Evènes ny
30à Laval, estant assurée qu’ilz sont desia deslogés. Je prie
31Notre Seigneur les volloyr conduyre et tenir en sa sainte garde
32et protection. Je vous prye me faire scavoyr le plus souvent
33que porrez de voz novelles et de toute la troppe qu’est
34à la court et à Paris. Et je prye Dieu que vous doint sa
35grâce accompaignée de longue et contente vye. Je me
36recommande de fort bon cœur à la votre et de madame de
37Gordes et de madamoiselle de Moneri. De Gargas, le
38XIIe juilhet 1572.
39Votre mère
40Pierre de Ponteves